וארא בימין הישב על הכסא ספר כתוב פנים ואחור וחתום בשבעה חתמות׃

וישירו שיר חדש לאמר לך נאה לקחת את הספר ולפתח את חותמיו כי אתה נשחטת ובדמך קניתנו לאלהים מכל משפחה ולשון וכל עם וגוי׃

וארא כאשר פתח השה אחד מן שבעה החתמות ואשמע אחת מארבע החיות מדברת כקול רעם לאמר בא וראה׃

וכפתחו את החותם השני ואשמע את החיה השנית אמרת בא וראה׃

וכפתחו את החותם השלישי ואשמע את החיה השלישית אמרת בא וראה ואביט והנה סוס שחר והרכב עליו מאזנים בידו׃

וכפתחו את החותם הרביעי ואשמע את החיה הרביעית אמרת בא וראה׃

וכפתחו החותם החמישי וארא מתחת למזבח את נפשות הטבוחים על דבר האלהים ועל העדות אשר היתה להם׃

וארא בפתחו את החותם הששי והנה רעש גדול היה ויקדר השמש כשק שער והירח נהפך לדם׃

יעמד ולא אכיר מראהו תמונה לנגד עיני דממה וקול אשמע׃

דום ליהוה והתחולל לו אל תתחר במצליח דרכו באיש עשה מזמות׃

למנצח על ידותון מזמור לדוד אך אל אלהים דומיה נפשי ממנו ישועתי׃

ויהוה בהיכל קדשו הס מפניו כל הארץ׃

הס כל בשר מפני יהוה כי נעור ממעון קדשו׃