וזאת היא העדות כי חיי עולמים נתן לנו האלהים והחיים האלה בבנו המה׃

וידענו כי בא בן אלהים ויתן לנו בינה לדעת את האמתי ובאמתי אנחנו בבנו ישוע המשיח זה הוא האל האמתי וחיי העולם׃

בו היו חיים והחיים היו אור בני האדם׃

ויאמר אליה ישוע אנכי התקומה והחיים המאמין בי יחיה גם כי ימות׃

וכל החי אשר יאמין בי לא ימות לעולם התאמיני זאת׃

ויאמר אליו ישוע אנכי הנני הדרך והאמת והחיים לא יבא איש אל האב כי אם על ידי׃

וידעתם כי הוא נגלה לשאת את חטאינו ובו אין חטא׃

והעשה חטא מן השטן הוא כי השטן חטא מראש לזאת נגלה בן האלהים להפר את פעלות השטן׃

ולאשר יכל לחזק אתכם כבשורתי וכקריאת ישוע המשיח כפי גלוי הסוד אשר היה מכסה מימות עולם׃

ועתה נתפרסם ונודע על ידי כתבי הנביאים כמצות אלהי עולם לכל הגוים להביאם למשמעת האמונה׃

ובודי גדול סוד החסידות אלהים נגלה בבשר נצדק ברוח נראה למלאכים הגד בגוים נתקבל באמונה בעולם נעלה בכבוד׃

ועתה נגלה בהראות מושיענו ישוע המשיח אשר בטל את המות ויוצא לאור על ידי הבשורה את החיים ואת אשר איננו עובר׃

עלי תקות חיי העולם אשר הבטיח לפני ימות עולם האל אשר לא ישקר׃

וגם אתם תעידו כי מראש הייתם עמדי׃

וזאת היא הפעם השלישית אשר נגלה ישוע אל תלמידיו אחרי קומו מעם המתים׃

החל מטבילת יוחנן עד יום הלקחו מאתנו כי אחד מהם יהיה לעד עמנו על קומו מן המתים׃

את ישוע זה הקים אלהים מן המתים ואנחנו כלנו עדיו׃

ואת שר החיים הרגתם אשר האלהים הקימו מן המתים ואנחנו עדיו׃

ואנחנו עדיו על אלה וגם רוח הקדש אשר נתן אותו האלהים לשמעים בקולו׃

לא לכל העם כי אם לנו העדים אשר האלהים בחר בהם מראש אשר אכלנו ושתינו אתו אחרי קומו מן המתים׃

את הזקנים אשר בקרבכם אזהיר אנכי עמיתם הזקן ועד ענויי המשיח וגם חבר לכבוד העתיד להגלות׃

וידענו כי בא בן אלהים ויתן לנו בינה לדעת את האמתי ובאמתי אנחנו בבנו ישוע המשיח זה הוא האל האמתי וחיי העולם׃

ואלה הם חיי העולמים לדעת אתך אשר אתה לבדך אל אמת ואת ישוע המשיח אשר שלחת׃

יהוה קנני ראשית דרכו קדם מפעליו מאז׃

באין תהמות חוללתי באין מעינות נכבדי מים׃

עד לא עשה ארץ וחוצות וראש עפרות תבל׃

באמצו שחקים ממעל בעזוז עינות תהום׃

ואהיה אצלו אמון ואהיה שעשעים יום יום משחקת לפניו בכל עת׃

בראשית היה הדבר והדבר היה את האלהים ואלהים היה הדבר׃

הוא היה בראשית אצל האלהים׃

את האלהים לא ראה איש מעולם הבן היחיד אשר בחיק האב הוא הודיע׃

ואיש לא עלה השמימה בלתי אם אשר ירד מן השמים בן האדם אשר הוא בשמים׃

ואני ידעתיו כי מאתו אני והוא שלחני׃

אני מדבר את אשר ראיתי אצל אבי ואתם עשים את אשר ראיתם אצל אביכם׃

מאת האב יצאתי ואבא לעולם אשובה אעזב את העולם ואלך אל אבי׃

ועתה פארני אתה אבי עמך בכבוד אשר היה לי עמך טרם היות העולם׃

כי מה שלא יכלה התורה לעשות הנחלשה על יד הבשר עשה האלהים בשלחו את בנו בתואר בשר החטא ובעד החטא וירשיע את החטא בבשר׃

ובמלאת העת שלח האלהים את בנו אשר נולד מאשה ונתן תחת יד התורה׃