אדם ילוד אשה קצר ימים ושבע רגז׃

כציץ יצא וימל ויברח כצל ולא יעמוד׃

הודיעני יהוה קצי ומדת ימי מה היא אדעה מה חדל אני׃

אך בצלם יתהלך איש אך הבל יהמיון יצבר ולא ידע מי אספם׃

זרמתם שנה יהיו בבקר כחציר יחלף׃

כי כלינו באפך ובחמתך נבהלנו׃

כי כל ימינו פנו בעברתך כלינו שנינו כמו הגה׃

אנוש כחציר ימיו כציץ השדה כן יציץ׃

כי רוח עברה בו ואיננו ולא יכירנו עוד מקומו׃

כי מי יודע מה טוב לאדם בחיים מספר ימי חיי הבלו ויעשם כצל אשר מי יגיד לאדם מה יהיה אחריו תחת השמש׃

כל אשר תמצא ידך לעשות בכחך עשה כי אין מעשה וחשבון ודעת וחכמה בשאול אשר אתה הלך שמה׃

וכזאת עשו מדעתכם את הזמן כי כבר הגיעה השעה להקיץ מן השנה כי ישועתנו קרובה עתה מהיום אשר באנו להאמין׃

הלילה חלף והיום קרב לכן נסירה נא את מעשי החשך ונלבשה את כלי נשק האור׃

לכן נצאה נא אליו אל מחוץ למחנה ונשא את חרפתו׃

כי פה אין לנו עיר עמדת כי את העתידה אנחנו מבקשים׃

הן קץ הכל קרב לכן היו צנועים וערים להתפלל׃

וזאת האחת אל תעלם מכם אהובים כי יום אחד כאלף שנים בעיני יהוה ואלף שנים כיום אחד׃

ולא יאחר יהוה את אשר הבטיח כאשר יש חשבים אתה לאחור כי אך האריך אפו בעבורנו ולא יחפץ באבד איש כי אם בפנות כלם לתשובה׃

והחלד עבור יעבר עם תאותיו והעשה רצון אלהים יעמד לעד׃

וישב העפר על הארץ כשהיה והרוח תשוב אל האלהים אשר נתנה׃

הבל הבלים אמר הקוהלת הכל הבל׃

סוף דבר הכל נשמע את האלהים ירא ואת מצותיו שמור כי זה כל האדם׃

כי את כל מעשה האלהים יבא במשפט על כל נעלם אם טוב ואם רע׃

הנה יהוה בוקק הארץ ובולקה ועוה פניה והפיץ ישביה׃

והיה כעם ככהן כעבד כאדניו כשפחה כגברתה כקונה כמוכר כמלוה כלוה כנשה כאשר נשא בו׃

קול אמר קרא ואמר מה אקרא כל הבשר חציר וכל חסדו כציץ השדה׃

יבש חציר נבל ציץ ודבר אלהינו יקום לעולם׃

הוי האמרים נלכה היום ומחר לעיר פלונית אלמונית ונעשה שם שנה אחת לסחר בה ולהרבות רוח׃

תחת אשר תאמרו אם ירצה יהוה ונחיה נעשה כזה וכזה׃

כי כל בשר חציר וכל כבוד איש כציץ השדה יבש חציר נבל ציץ׃