העוד לא תשכילו כי כל הבא אל הפה יורד אל הכרש וישפך משם למוצאות׃

אלה הם המטמאים את האדם אבל אכול בלי נטילת ידים לא יטמא את האדם׃

כי לא יבוא אל לבו כי אם אל כרשו ויצא למוצאות להבר כל אכל׃

כי מלכות האלהים איננה אכילה ושתיה כי צדקה היא ושלום ושמחה ברוח הקדש׃

וכלם אכלם מאכל אחד רוחני׃

אבל ברבם לא רצה האלהים ופגריהם נפלו במדבר׃

אל תעמלו במאכל אשר יאבד כי אם במאכל הקים לחיי עולמים אשר בן האדם יתננו לכם כי בו חתם חותמו אביו האלהים׃

אבותיכם אכלו את המן במדבר וימתו׃

והם כלם לכליון בתשמישם לפי מצות אנשים ולמודיהם׃

הנראים כעין חכמה בעבודה בדויה מלב ובשפלות רוח ובענוי הגוף שלא כהגן רק להשביע הבשר׃

הלא ידעתם כי גופתיכם אברי המשיח הנה הכי אקח את אברי המשיח ואעשה אתם לאברי זונה חלילה׃

או הלא ידעתם כי גופכם הוא היכל רוח הקדש השכן בקרבכם אשר קבלתם מאת האלהים וכי לא לעצמכם אתם׃

הלא ידעתם כי היכל אלהים אתם ורוח אלהים שכן בקרבכם׃

אם כן אפוא אל תמלך החטאת בגופכם אשר ימות לנטות אחריה בתאותיו׃

לכן אחי הומתם גם אתם לתורה בגוית המשיח להיותכם לאחר לאשר נעור מן המתים למען נעשה פרי לאלהים׃

ועתה הנני מזהיר אתכם אחי ברחמי אלהים אשר תשימו את גויותיכם קרבן חי וקדוש ונרצה לאלהים והיתה זאת עבודתכם השכלית׃

כי אין איש מאתנו אשר יחיה לנפשו ואין איש אשר ימות לנפשו׃

כי לזאת מת המשיח ויקם ויחי למען יהיה אדון גם על המתים גם על החיים׃

ובעד כלם מת למען לא יחיו החיים עוד לנפשם כי אם לאשר מת ויקם בעדם׃

כי מקנא אני לכם קנאת אלהים כי ארשתי אתכם לאיש אחד להעמיד אתכם בתולה טהורה לפני המשיח׃

כי האיש הוא ראש האשה כאשר המשיח הוא ראש העדה והוא מושיע של הגוף׃

כי רצון האלהים היא קדשתכם אשר תתרחקו מן הזנות׃

ולא בתאות זמה כדרך הגוים אשר אינם ידעים האלהים׃

כי לא קרא אותנו האלהים לטמאה כי אם לקדשה׃