ויום יום הייתי אצלכם מלמד במקדש ולא החזקתם בי אבל למען ימלאו הכתובים׃

ואיבה אשית בינך ובין האשה ובין זרעך ובין זרעה הוא ישופך ראש ואתה תשופנו עקב׃

למנצח על אילת השחר מזמור לדוד אלי אלי למה עזבתני רחוק מישועתי דברי שאגתי׃

ואתה קדוש יושב תהלות ישראל׃

אליך זעקו ונמלטו בך בטחו ולא בושו׃

כל ראי ילעגו לי יפטירו בשפה יניעו ראש׃

כי אתה גחי מבטן מבטיחי על שדי אמי׃

אל תרחק ממני כי צרה קרובה כי אין עוזר׃

פצו עלי פיהם אריה טרף ושאג׃

יבש כחרש כחי ולשוני מדבק מלקוחי ולעפר מות תשפתני׃

אספר כל עצמותי המה יביטו יראו בי׃

ואתה יהוה אל תרחק אילותי לעזרתי חושה׃

הושיעני מפי אריה ומקרני רמים עניתני׃

יראי יהוה הללוהו כל זרע יעקב כבדוהו וגורו ממנו כל זרע ישראל׃

מאתך תהלתי בקהל רב נדרי אשלם נגד יראיו׃

יזכרו וישבו אל יהוה כל אפסי ארץ וישתחוו לפניך כל משפחות גוים׃

אכלו וישתחוו כל דשני ארץ לפניו יכרעו כל יורדי עפר ונפשו לא חיה׃

יבאו ויגידו צדקתו לעם נולד כי עשה׃

למנצח על שושנים לדוד הושיעני אלהים כי באו מים עד נפש׃

יגעתי בקראי נחר גרוני כלו עיני מיחל לאלהי׃

אלהים אתה ידעת לאולתי ואשמותי ממך לא נכחדו׃

כי עליך נשאתי חרפה כסתה כלמה פני׃

כי קנאת ביתך אכלתני וחרפות חורפיך נפלו עלי׃

ואתנה לבושי שק ואהי להם למשל׃

ואני תפלתי לך יהוה עת רצון אלהים ברב חסדך ענני באמת ישעך׃

אל תשטפני שבלת מים ואל תבלעני מצולה ואל תאטר עלי באר פיה׃

ואל תסתר פניך מעבדך כי צר לי מהר ענני׃

אתה ידעת חרפתי ובשתי וכלמתי נגדך כל צוררי׃

ויתנו בברותי ראש ולצמאי ישקוני חמץ׃

תחשכנה עיניהם מראות ומתניהם תמיד המעד׃

תהי טירתם נשמה באהליהם אל יהי ישב׃

תנה עון על עונם ואל יבאו בצדקתך׃

ואני עני וכואב ישועתך אלהים תשגבני׃

ותיטב ליהוה משור פר מקרן מפריס׃

כי שמע אל אביונים יהוה ואת אסיריו לא בזה׃

כי אלהים יושיע ציון ויבנה ערי יהודה וישבו שם וירשוה׃

כאשר שממו עליך רבים כן משחת מאיש מראהו ותארו מבני אדם׃

מי האמין לשמעתנו וזרוע יהוה על מי נגלתה׃

נבזה וחדל אישים איש מכאבות וידוע חלי וכמסתר פנים ממנו נבזה ולא חשבנהו׃

והוא מחלל מפשענו מדכא מעונתינו מוסר שלומנו עליו ובחברתו נרפא לנו׃

נגש והוא נענה ולא יפתח פיו כשה לטבח יובל וכרחל לפני גזזיה נאלמה ולא יפתח פיו׃

ויתן את רשעים קברו ואת עשיר במתיו על לא חמס עשה ולא מרמה בפיו׃

מעמל נפשו יראה ישבע בדעתו יצדיק צדיק עבדי לרבים ועונתם הוא יסבל׃

שבעים שבעים נחתך על עמך ועל עיר קדשך לכלא הפשע ולחתם חטאות ולכפר עון ולהביא צדק עלמים ולחתם חזון ונביא ולמשח קדש קדשים׃

ואחרי השבעים ששים ושנים יכרת משיח ואין לו והעיר והקדש ישחית עם נגיד הבא וקצו בשטף ועד קץ מלחמה נחרצת שממות׃

חרב עורי על רעי ועל גבר עמיתי נאם יהוה צבאות הך את הרעה ותפוצין הצאן והשבתי ידי על הצערים׃

הן בן האדם הלוך ילך לו ככתוב עליו אבל אוי לאיש ההוא אשר על ידו ימסר בן האדם טוב לאיש ההוא אם לא נולד׃

ואיככה אפוא ימלאו הכתובים כי כן היה תהיה׃

וכל זאת היתה למלאת כתבי הנביאים אז עזבוהו התלמידים כלם וינוסו׃

כי הן בן האדם הלך לו כפי אשר נחרץ עליו אבל אוי לאיש ההוא אשר על ידו ימסר׃

הלא על המשיח היה לסבל את כל זאת ולבוא אל כבודו׃

ויחל ממשה ומכל הנביאים ויבאר להם את כל הכתובים הנאמרים עליו׃

ויאמר אליהם אלה הם הדברים אשר דברתי אליכם בעוד היותי עמכם כי המלא ימלא כל הכתוב עלי בתורת משה ובנביאים ובתהלים׃

ויהי מאחרי כן כאשר ידע ישוע כי עתה זה כלה הכל למען ימלא הכתוב כלו אמר צמאתי׃

כי כל זאת היתה למלאת הכתוב ועצם לא תשברו בו׃

ועוד כתוב אחר אמר והביט אליו את אשר דקרו׃

אתו הנמסר על פי עצת האלהים הנחרצה וידיעתו מקום לקחתם ובידי רשעים הוקעתם והרגתם אתו׃

כי אמנם נוסדו הורדוס ופנטיוס פילטוס עם הגוים ולאמי ישראל על ישוע עבדך הקדוש אשר משחת׃

כי ישבי ירושלים וראשיהם יען אשר לא הכירהו מלאו במשפטם אשר שפטהו את דברי הנביאים הנקראים בכל שבת׃

וכאשר השלימו את כל הדברים הכתובים עליו הורידו אותו מן העץ ויניחהו בקבר׃

ישימות עלימו ירדו שאול חיים כי רעות במגורם בקרבם׃

הפקד עליו רשע ושטן יעמד על ימינו׃

יהיו ימיו מעטים פקדתו יקח אחר׃

ונוע ינועו בניו ושאלו ודרשו מחרבותיהם׃

אל יהי לו משך חסד ואל יהי חונן ליתומיו׃

יזכר עון אבתיו אל יהוה וחטאת אמו אל תמח׃

יען אשר לא זכר עשות חסד וירדף איש עני ואביון ונכאה לבב למותת׃

וילבש קללה כמדו ותבא כמים בקרבו וכשמן בעצמותיו׃

זאת פעלת שטני מאת יהוה והדברים רע על נפשי׃

אוי לעולם מפני המכשלים כי המכשלים צריכים לבוא אבל אוי לאיש ההוא אשר על ידו יבוא המכשול׃

וירא יהודה המסר אותו כי הרשיעהו וינחם וישב את שלשים הכסף אל הכהנים הגדולים והזקנים לאמר׃

וישלך את הכסף אל ההיכל ויפן וילך ויחנק׃

אנשים אחים מן הצרך היה כי ימלא הכתוב ההוא אשר דבר מקדם רוח הקדש בפי דוד על יהודה אשר היה מוליך את תפשי ישוע׃

והנה הוא קנה לו שדה במחיר הרשעה ויפל על פניו ארצה ויבקע בתוך וישפכו כל מעיו׃

כי כתוב בספר תהלים תהי טירתו נשמה ואל יהי בה ישב ופקדתו יקח אחר׃

וכל המכשיל את אחד מן הקטנים האלה המאמינים בי נוח לו שיתלה פלח רכב על צוארו וטבע במצולות ים׃

אוי לעולם מפני המכשלים כי המכשלים צריכים לבוא אבל אוי לאיש ההוא אשר על ידו יבוא המכשול׃

הן בן האדם הלוך ילך לו ככתוב עליו אבל אוי לאיש ההוא אשר על ידו ימסר בן האדם טוב לאיש ההוא אם לא נולד׃

ויען יהודה המסר אותו ויאמר רבי האני הוא ויאמר אליו אתה אמרת׃