והקרבתם עלה אשה ריח ניחח ליהוה פרים בני בקר שלשה עשר אילם שנים כבשים בני שנה ארבעה עשר תמימם יהיו׃

וביום השלישי פרים עשתי עשר אילם שנים כבשים בני שנה ארבעה עשר תמימם׃

ושעיר חטאת אחד מלבד עלת התמיד ומנחתה ונסכה׃

מנחתם ונסכיהם לפרים לאילם ולכבשים במספרם כמשפט׃

וביום החמישי פרים תשעה אילם שנים כבשים בני שנה ארבעה עשר תמימם׃

ושעיר חטאת אחד מלבד עלת התמיד ומנחתה ונסכה׃

ומנחתם ונסכיהם לפרים לאילם ולכבשים במספרם כמשפט׃

וביום השביעי פרים שבעה אילם שנים כבשים בני שנה ארבעה עשר תמימם׃

ושעיר חטאת אחד מלבד עלת התמיד מנחתה ונסכה׃

והקרבתם עלה אשה ריח ניחח ליהוה פר אחד איל אחד כבשים בני שנה שבעה תמימם׃

ושעיר חטאת אחד מלבד עלת התמיד ומנחתה ונסכה׃

ויאמר משה אל בני ישראל ככל אשר צוה יהוה את משה׃

זבח ומנחה לא חפצת אזנים כרית לי עולה וחטאה לא שאלת׃

לא על זבחיך אוכיחך ועולתיך לנגדי תמיד׃

לא אקח מביתך פר ממכלאתיך עתודים׃

כי לא תחפץ זבח ואתנה עולה לא תרצה׃

זבחי אלהים רוח נשברה לב נשבר ונדכה אלהים לא תבזה׃

ותיטב ליהוה משור פר מקרן מפריס׃

למה לי רב זבחיכם יאמר יהוה שבעתי עלות אילים וחלב מריאים ודם פרים וכבשים ועתודים לא חפצתי׃

כי לא דברתי את אבותיכם ולא צויתים ביום הוציא אותם מארץ מצרים על דברי עולה וזבח׃

כי אם את הדבר הזה צויתי אותם לאמר שמעו בקולי והייתי לכם לאלהים ואתם תהיו לי לעם והלכתם בכל הדרך אשר אצוה אתכם למען ייטב לכם׃

כי חסד חפצתי ולא זבח ודעת אלהים מעלות׃

ועתה הנני מזהיר אתכם אחי ברחמי אלהים אשר תשימו את גויותיכם קרבן חי וקדוש ונרצה לאלהים והיתה זאת עבודתכם השכלית׃

הנה באמרו ברית חדשה ישן את הראשונה ומה שהוא נושן ומזקין קרוב הוא אל קצו׃

ומבית לפרכת השנית משכן הנקרא קדש הקדשים׃

וממעל לו כרובי הכבוד הסככים על הכפרת לא נדבר כעת על כל אחד מהם בפרט׃

ואל המשכן אשר לפנים ממנו בא שמה הכהן הגדול לבדו פעם אחת בשנה לא בבלי דם אשר יקריב בעד נפשו ובעד שגגות העם׃

והוא משל על העת ההוה אשר בה מקריבים מנחות וזבחים אשר לא יוכלו להשלים את לבב העבד׃

אבל המשיח בבאו להיות כהן גדול לטבות העתידות עבר בתוך המשכן המעלה בגדלה ושלמות אשר לא נעשה בידים כלומר אשר איננו בכלל הבריאה הזאת׃

כי אם דם הפרים והשעירים ואפר הפרה אשר יזה על הטמאים יקדשם לטהרת גופם׃