וגבר ימות ויחלש ויגוע אדם ואיו׃

ואיש שכב ולא יקום עד בלתי שמים לא יקיצו ולא יערו משנתם׃

ימי שנותינו בהם שבעים שנה ואם בגבורת שמונים שנה ורהבם עמל ואון כי גז חיש ונעפה׃

דור הלך ודור בא והארץ לעולם עמדת׃

כי את כל זה נתתי אל לבי ולבור את כל זה אשר הצדיקים והחכמים ועבדיהם ביד האלהים גם אהבה גם שנאה אין יודע האדם הכל לפניהם׃

זה רע בכל אשר נעשה תחת השמש כי מקרה אחד לכל וגם לב בני האדם מלא רע והוללות בלבבם בחייהם ואחריו אל המתים׃

גם מגבה יראו וחתחתים בדרך וינאץ השקד ויסתבל החגב ותפר האביונה כי הלך האדם אל בית עולמו וסבבו בשוק הספדים׃

וישב העפר על הארץ כשהיה והרוח תשוב אל האלהים אשר נתנה׃

כי דוד גוע אחרי שרתו בדורו לעצת האלהים ויאסף אל אבותיו וירא את השחת׃

ושם נתכהנו רבים מפני אשר המות לא הניחם להותר בארץ׃

אבל זה בעמדו לעולם יש לו כהנה אשר לא תעבר ממנו׃

וכאשר נגזר על בני אדם פעם אחת המות ואחריו הדין׃

לזכר את הדברים הנאמרים מקדם בידי הנביאים הקדשים ואת מצות אדנינו ומושיענו אשר נתנה בידנו השליחים׃

איה הבטחת באו כי מאז שכבו האבות הכל עמד כמו מראשית הבריאה׃