נשקו בר פן יאנף ותאבדו דרך כי יבער כמעט אפו אשרי כל חוסי בו׃

אתה נורא אתה ומי יעמד לפניך מאז אפך׃

מי יודע עז אפך וכיראתך עברתך׃

חמה אין לי מי יתנני שמיר שית במלחמה אפשעה בה אציתנה יחד׃

ויהוה אלהים אמת הוא אלהים חיים ומלך עולם מקצפו תרעש הארץ ולא יכלו גוים זעמו׃

ומי מכלכל את יום בואו ומי העמד בהראותו כי הוא כאש מצרף וכברית מכבסים׃

כי בא יום עברתו הגדול ומי יוכל להתיצב׃

אל קנוא ונקם יהוה נקם יהוה ובעל חמה נקם יהוה לצריו ונוטר הוא לאיביו׃

כי אש קדחה באפי ותיקד עד שאול תחתית ותאכל ארץ ויבלה ותלהט מוסדי הרים׃

אספה עלימו רעות חצי אכלה בם׃

לכן ישלח האדון יהוה צבאות במשמניו רזון ותחת כבדו יקד יקד כיקוד אש׃

דרך קשתו כאויב נצב ימינו כצר ויהרג כל מחמדי עין באהל בת ציון שפך כאש חמתו׃

כלה יהוה את חמתו שפך חרון אפו ויצת אש בציון ותאכל יסודתיה׃

ונתתי אש במצרים חול תחיל סין ונא תהיה להבקע ונף צרי יומם׃

ואשמע קול גדול מן ההיכל האמר אל שבעת המלאכים לכו ושפכו את קערת חמת האלהים ארצה׃

וישפך המלאך הרביעי את קערתו על השמש וינתן לו לצרב את בני אדם באש׃