אם יעלה לשמים שיאו וראשו לעב יגיע׃

כגללו לנצח יאבד ראיו יאמרו איו׃

אם על פיך יגביה נשר וכי ירים קנו׃

סלע ישכן ויתלנן על שן סלע ומצודה׃

תפלצתך השיא אתך זדון לבך שכני בחגוי הסלע תפשי מרום גבעה כי תגביה כנשר קנך משם אורידך נאם יהוה׃

הוי בצע בצע רע לביתו לשום במרום קנו להנצל מכף רע׃

איך נפלת משמים הילל בן שחר נגדעת לארץ חולש על גוים׃

אעלה על במתי עב אדמה לעליון׃

כי תעלה בבל השמים וכי תבצר מרום עזה מאתי יבאו שדדים לה נאם יהוה׃

אם יחתרו בשאול משם ידי תקחם ואם יעלו השמים משם אורידם׃