ואת שם השני קרא אפרים כי הפרני אלהים בארץ עניי׃

המלאך הגאל אתי מכל רע יברך את הנערים ויקרא בהם שמי ושם אבתי אברהם ויצחק וידגו לרב בקרב הארץ׃

ויאמר יוסף אל אביו לא כן אבי כי זה הבכר שים ימינך על ראשו׃

ויברכם ביום ההוא לאמור בך יברך ישראל לאמר ישמך אלהים כאפרים וכמנשה וישם את אפרים לפני מנשה׃

בן פרת יוסף בן פרת עלי עין בנות צעדה עלי שור׃

בכור שורו הדר לו וקרני ראם קרניו בהם עמים ינגח יחדו אפסי ארץ והם רבבות אפרים והם אלפי מנשה׃

גם אור רשעים ידעך ולא יגה שביב אשו׃

יהדפהו מאור אל חשך ומתבל ינדהו׃

לא נין לו ולא נכד בעמו ואין שריד במגוריו׃

כמו שבלול תמס יהלך נפל אשת בל חזו שמש׃

אם יוליד איש מאה ושנים רבות יחיה ורב שיהיו ימי שניו ונפשו לא תשבע מן הטובה וגם קבורה לא היתה לו אמרתי טוב ממנו הנפל׃

כה אמר יהוה על שלשה פשעי בני עמון ועל ארבעה לא אשיבנו על בקעם הרות הגלעד למען הרחיב את גבולם׃

תן להם יהוה מה תתן תן להם רחם משכיל ושדים צמקים׃

ארור פרי בטנך ופרי אדמתך שגר אלפיך ועשתרות צאנך׃

ובשליתה היוצת מבין רגליה ובבניה אשר תלד כי תאכלם בחסר כל בסתר במצור ובמצוק אשר יציק לך איבך בשעריך׃

כי הנה ימים באים ואמרו אשרי העקרות ואשרי המעים אשר לא ילדו והשדים אשר לא היניקו׃