והארץ חנפה תחת ישביה כי עברו תורת חלפו חק הפרו ברית עולם׃

קול ששון וקול שמחה קול חתן וקול כלה קול אמרים הודו את יהוה צבאות כי טוב יהוה כי לעולם חסדו מבאים תודה בית יהוה כי אשיב את שבות הארץ כבראשנה אמר יהוה׃

קראתי למאהבי המה רמוני כהני וזקני בעיר גועו כי בקשו אכל למו וישיבו את נפשם׃

ראה יהוה והביטה למי עוללת כה אם תאכלנה נשים פרים עללי טפחים אם יהרג במקדש אדני כהן ונביא׃

ימים על שנה תרגזנה בטחות כי כלה בציר אסף בלי יבוא׃

על שדים ספדים על שדי חמד על גפן פריה׃

כי ארמון נטש המון עיר עזב עפל ובחן היה בעד מערות עד עולם משוש פראים מרעה עדרים׃

הכרת מנחה ונסך מבית יהוה אבלו הכהנים משרתי יהוה׃

הבישו אכרים הילילו כרמים על חטה ועל שערה כי אבד קציר שדה׃

חגרו וספדו הכהנים הילילו משרתי מזבח באו לינו בשקים משרתי אלהי כי נמנע מבית אלהיכם מנחה ונסך׃