שמע אלהינו כי היינו בוזה והשב חרפתם אל ראשם ותנם לבזה בארץ שביה׃

ואל תכס על עונם וחטאתם מלפניך אל תמחה כי הכעיסו לנגד הבונים׃

יזכר עון אבתיו אל יהוה וחטאת אמו אל תמח׃

יהיו נגד יהוה תמיד ויכרת מארץ זכרם׃

זכר יהוה לבני אדום את יום ירושלם האמרים ערו ערו עד היסוד בה׃

אשרי שיאחז ונפץ את עלליך אל הסלע׃

שפך חמתך על הגוים אשר לא ידעוך ועל משפחות אשר בשמך לא קראו כי אכלו את יעקב ואכלהו ויכלהו ואת נוהו השמו׃

ואתה יהוה ידעת את כל עצתם עלי למות אל תכפר על עונם וחטאתם מלפניך אל תמחי והיו מכשלים לפניך בעת אפך עשה בהם׃

חמסי ושארי על בבל תאמר ישבת ציון ודמי אל ישבי כשדים תאמר ירושלם׃

כי אם יעשו כזאת בעץ הלח מה יעשה ביבש׃

ויזעקו בקול גדול ויאמרו עד מתי אדני הקדוש והאמתי לא תשפט ולא תקום את דמינו מישבי הארץ׃

ממרום שלח אש בעצמתי וירדנה פרש רשת לרגלי השיבני אחור נתנני שממה כל היום דוה׃

על זה היה דוה לבנו על אלה חשכו עינינו׃

על כן כל ידים תרפינה וכל לבב אנוש ימס׃

מבליגיתי עלי יגון עלי לבי דוי׃

בעבור זאת אבקש שלא תחתו בצרותי למענכם יען כי היא תפארתכם׃