והשבתי מערי יהודה ומחצות ירושלם קול ששון וקול שמחה קול חתן וקול כלה כי לחרבה תהיה הארץ׃

כי כה אמר יהוה צבאות אלהי ישראל הנני משבית מן המקום הזה לעיניכם ובימיכם קול ששון וקול שמחה קול חתן וקול כלה׃

והאבדתי מהם קול ששון וקול שמחה קול חתן וקול כלה קול רחים ואור נר׃

אשר לו הכלה הוא החתן ורע החתן העמד ושמע אתו שמוח ישמח לקול החתן הנה שמחתי זאת עתה שלמה׃

ואור נר לא יאיר לך עוד וקול חתן וקול כלה לא ישמע בך עוד כי כנעניך היו נכבדי ארץ ובכשפיך תעו כל הגוים׃

ובאו ורננו במרום ציון ונהרו אל טוב יהוה על דגן ועל תירש ועל יצהר ועל בני צאן ובקר והיתה נפשם כגן רוה ולא יוסיפו לדאבה עוד׃

ורויתי נפש הכהנים דשן ועמי את טובי ישבעו נאם יהוה׃

ויענו בהלל ובהודת ליהוה כי טוב כי לעולם חסדו על ישראל וכל העם הריעו תרועה גדולה בהלל ליהוה על הוסד בית יהוה׃

ואין העם מכירים קול תרועת השמחה לקול בכי העם כי העם מריעים תרועה גדולה והקול נשמע עד למרחוק׃

ויעשו חג מצות שבעת ימים בשמחה כי שמחם יהוה והסב לב מלך אשור עליהם לחזק ידיהם במלאכת בית האלהים אלהי ישראל׃

וילכו כל העם לאכל ולשתות ולשלח מנות ולעשות שמחה גדולה כי הבינו בדברים אשר הודיעו להם׃

ויזבחו ביום ההוא זבחים גדולים וישמחו כי האלהים שמחם שמחה גדולה וגם הנשים והילדים שמחו ותשמע שמחת ירושלם מרחוק׃

ואמרת ביום ההוא אודך יהוה כי אנפת בי ישב אפך ותנחמני׃

ושאבתם מים בששון ממעיני הישועה׃

זמרו יהוה כי גאות עשה מידעת זאת בכל הארץ׃

ופדויי יהוה ישובון ובאו ציון ברנה ושמחת עולם על ראשם ששון ושמחה ישיגון נסו יגון ואנחה׃

פצחו רננו יחדו חרבות ירושלם כי נחם יהוה עמו גאל ירושלם׃

רני בת ציון הריעו ישראל שמחי ועלזי בכל לב בת ירושלם׃

כה אמר יהוה צבאות צום הרביעי וצום החמישי וצום השביעי וצום העשירי יהיה לבית יהודה לששון ולשמחה ולמעדים טובים והאמת והשלום אהבו׃

כי מה טובו ומה יפיו דגן בחורים ותירוש ינובב בתלות׃

והיו כגבור אפרים ושמח לבם כמו יין ובניהם יראו ושמחו יגל לבם ביהוה׃

הודו ליהוה קראו בשמו הודיעו בעמים עלילתיו׃

הודו ליהוה כי טוב כי לעולם חסדו׃

ויהי כאחד למחצצרים ולמשררים להשמיע קול אחד להלל ולהדות ליהוה וכהרים קול בחצצרות ובמצלתים ובכלי השיר ובהלל ליהוה כי טוב כי לעולם חסדו והבית מלא ענן בית יהוה׃

וכל בני ישראל ראים ברדת האש וכבוד יהוה על הבית ויכרעו אפים ארצה על הרצפה וישתחוו והודות ליהוה כי טוב כי לעולם חסדו׃

ויועץ אל העם ויעמד משררים ליהוה ומהללים להדרת קדש בצאת לפני החלוץ ואמרים הודו ליהוה כי לעולם חסדו׃

ויענו בהלל ובהודת ליהוה כי טוב כי לעולם חסדו על ישראל וכל העם הריעו תרועה גדולה בהלל ליהוה על הוסד בית יהוה׃

הללויה הודו ליהוה כי טוב כי לעולם חסדו׃

הדו ליהוה כי טוב כי לעולם חסדו׃

הודו ליהוה כי טוב כי לעולם חסדו׃

יאמרו נא בית אהרן כי לעולם חסדו׃

הודו ליהוה כי טוב כי לעולם חסדו׃

הודו לאדני האדנים כי לעולם חסדו׃

לעשה השמים בתבונה כי לעולם חסדו׃

לעשה אורים גדלים כי לעולם חסדו׃

את הירח וכוכבים לממשלות בלילה כי לעולם חסדו׃

ויוצא ישראל מתוכם כי לעולם חסדו׃

לגזר ים סוף לגזרים כי לעולם חסדו׃

ונער פרעה וחילו בים סוף כי לעולם חסדו׃

למכה מלכים גדלים כי לעולם חסדו׃

לסיחון מלך האמרי כי לעולם חסדו׃

ונתן ארצם לנחלה כי לעולם חסדו׃

שבשפלנו זכר לנו כי לעולם חסדו׃

נתן לחם לכל בשר כי לעולם חסדו׃

אם על תודה יקריבנו והקריב על זבח התודה חלות מצות בלולת בשמן ורקיקי מצות משחים בשמן וסלת מרבכת חלת בלולת בשמן׃

על חלת לחם חמץ יקריב קרבנו על זבח תודת שלמיו׃

ויען יחזקיהו ויאמר עתה מלאתם ידכם ליהוה גשו והביאו זבחים ותודות לבית יהוה ויביאו הקהל זבחים ותודות וכל נדיב לב עלות׃

ויזבחו זבחי תודה ויספרו מעשיו ברנה׃

לך אזבח זבח תודה ובשם יהוה אקרא׃

ואני בקול תודה אזבחה לך אשר נדרתי אשלמה ישועתה ליהוה׃

לכן נקריב על ידו בכל עת זבח תודה לאלהים היא פרי שפתים המודות לשמו׃

והשבתי את שבות יהודה ואת שבות ישראל ובנתים כבראשנה׃

גם זרע יעקוב ודוד עבדי אמאס מקחת מזרעו משלים אל זרע אברהם ישחק ויעקב כי אשוב את שבותם ורחמתים׃