מי פעל ועשה קרא הדרות מראש אני יהוה ראשון ואת אחרנים אני הוא׃

גם מיום אני הוא ואין מידי מציל אפעל ומי ישיבנה׃

אנכי אנכי הוא מחה פשעיך למעני וחטאתיך לא אזכר׃

עוד ינובון בשיבה דשנים ורעננים יהיו׃

המה יאבדו ואתה תעמד וכלם כבגד יבלו כלבוש תחליפם ויחלפו׃

ואתה הוא ושנותיך לא יתמו׃

כי שנא שלח אמר יהוה אלהי ישראל וכסה חמס על לבושו אמר יהוה צבאות ונשמרתם ברוחכם ולא תבגדו׃

כי אני יהוה לא שניתי ואתם בני יעקב לא כליתם׃

כי לא ינחם האלהים על מתנותיו ועל קריאתו׃

כלבוש תחליפם ויחלפו ואתה הוא ושנותיך לא יתמו׃

ישוע המשיח גם תמול גם היום הוא הוא וגם לעולמים׃

כל מתנה טובה וכל מנחה שלמה תרד ממעל מאת אבי האורות אשר חלוף וכל צל שנוי אין עמו׃

כי זה אלהים אלהינו עולם ועד הוא ינהגנו על מות׃

וגם עד זקנה ושיבה אלהים אל תעזבני עד אגיד זרועך לדור לכל יבוא גבורתך׃