והיה למקדש ולאבן נגף ולצור מכשול לשני בתי ישראל לפח ולמוקש ליושב ירושלם׃

כי היית מעוז לדל מעוז לאביון בצר לו מחסה מזרם צל מחרב כי רוח עריצים כזרם קיר׃

כי יצפנני בסכה ביום רעה יסתרני בסתר אהלו בצור ירוממני׃

ישב בסתר עליון בצל שדי יתלונן׃

יהוה שמרך יהוה צלך על יד ימינך׃

יומם השמש לא יככה וירח בלילה׃

מגדל עז שם יהוה בו ירוץ צדיק ונשגב׃

לכן אמר כה אמר אדני יהוה כי הרחקתים בגוים וכי הפיצותים בארצות ואהי להם למקדש מעט בארצות אשר באו שם׃

למען על פי שני דברים בלתי משתנים אשר חלילה לאלהים לשקר בם יהיה לנו אשר נסנו עליו זרוז גדול לאחז בתקוה הנתונה לפנינו׃

לא ירעבו עוד ולא יצמאו ולא יכם שמש ושרב׃

והיה איש כמחבא רוח וסתר זרם כפלגי מים בציון כצל סלע כבד בארץ עיפה׃

וישב עמי בנוה שלום ובמשכנות מבטחים ובמנוחת שאננות׃

וברד ברדת היער ובשפלה תשפל העיר׃

לכן כל השמע את דברי אלה ועשה אתם אדמהו לאיש חכם אשר בנה את ביתו על הסלע׃

וכל השמע את דברי אלה ולא יעשה אתם ידמה לאיש בער אשר בנה את ביתו על החול׃

באמונה בנה נח ביראת יהוה את התבה להצלת ביתו אתרי אשר צוה על דברים לא נראים עדין וירשע בה את העולם ויהי לירש הצדקה עקב האמונה׃