הוי משכימי בבקר שכר ירדפו מאחרי בנשף יין ידליקם׃

והיה כנור ונבל תף וחליל ויין משתיהם ואת פעל יהוה לא יביטו ומעשה ידיו לא ראו׃

ישיחו בי ישבי שער ונגינות שותי שכר׃

לך אכל בשמחה לחמך ושתה בלב טוב יינך כי כבר רצה האלהים את מעשיך׃

הפרטים על פי הנבל כדויד חשבו להם כלי שיר׃

לכן עתה יגלו בראש גלים וסר מרזח סרוחים׃

והילילו שירות היכל ביום ההוא נאם אדני יהוה רב הפגר בכל מקום השליך הס׃

והפכתי חגיכם לאבל וכל שיריכם לקינה והעליתי על כל מתנים שק ועל כל ראש קרחה ושמתיה כאבל יחיד ואחריתה כיום מר׃

יהוה צבאות יגן עליהם ואכלו וכבשו אבני קלע ושתו המו כמו יין ומלאו כמזרק כזויות מזבח׃

ואל תשתכרו מיין המביא לידי פריצות כי אם המלאו ברוח׃

ושיחו איש לרעהו בתהלות ותשבחות ושירות רוחניות שירו וזמרו לאדני בלבבכם׃