וידר יעקב נדר לאמר אם יהיה אלהים עמדי ושמרני בדרך הזה אשר אנכי הולך ונתן לי לחם לאכל ובגד ללבש׃

ויאמר אלהים אל יעקב קום עלה בית אל ושב שם ועשה שם מזבח לאל הנראה אליך בברחך מפני עשו אחיך׃

ונקומה ונעלה בית אל ואעשה שם מזבח לאל הענה אתי ביום צרתי ויהי עמדי בדרך אשר הלכתי׃

איש כי ידר נדר ליהוה או השבע שבעה לאסר אסר על נפשו לא יחל דברו ככל היצא מפיו יעשה׃

כי תדר נדר ליהוה אלהיך לא תאחר לשלמו כי דרש ידרשנו יהוה אלהיך מעמך והיה בך חטא׃

מוצא שפתיך תשמר ועשית כאשר נדרת ליהוה אלהיך נדבה אשר דברת בפיך׃

זבח לאלהים תודה ושלם לעליון נדריך׃

נדרו ושלמו ליהוה אלהיכם כל סביביו יובילו שי למורא׃

נשבעתי ואקימה לשמר משפטי צדקך׃

ונודע יהוה למצרים וידעו מצרים את יהוה ביום ההוא ועבדו זבח ומנחה ונדרו נדר ליהוה ושלמו׃

עוד שמעתם כי נאמר לקדמונים לא תשבע לשקר ושלם ליהוה שבעותיך׃

לא בגבורת הסוס יחפץ לא בשוקי האיש ירצה׃

רוצה יהוה את יראיו את המיחלים לחסדו׃

מי גם בכם ויסגר דלתים ולא תאירו מזבחי חנם אין לי חפץ בכם אמר יהוה צבאות ומנחה לא ארצה מידכם׃

עולה וחטאה לא שאלת׃

אבוא ביתך בעולות אשלם לך נדרי׃

אשר פצו שפתי ודבר פי בצר לי׃

נדרי ליהוה אשלם נגדה נא לכל עמו׃

אנה יהוה כי אני עבדך אני עבדך בן אמתך פתחת למוסרי׃

נדרי ליהוה אשלם נגדה נא לכל עמו׃

ואני בקול תודה אזבחה לך אשר נדרתי אשלמה ישועתה ליהוה׃