הבל הבלים אמר קהלת הבל הבלים הכל הבל׃

ראיתי את כל המעשים שנעשו תחת השמש והנה הכל הבל ורעות רוח׃

ושנאתי את החיים כי רע עלי המעשה שנעשה תחת השמש כי הכל הבל ורעות רוח׃

וראיתי אני את כל עמל ואת כל כשרון המעשה כי היא קנאת איש מרעהו גם זה הבל ורעות רוח׃

כי מי יודע מה טוב לאדם בחיים מספר ימי חיי הבלו ויעשם כצל אשר מי יגיד לאדם מה יהיה אחריו תחת השמש׃

אין אדם שליט ברוח לכלוא את הרוח ואין שלטון ביום המות ואין משלחת במלחמה ולא ימלט רשע את בעליו׃

אך הבל בני אדם כזב בני איש במאזנים לעלות המה מהבל יחד׃