אל תעזבה ותשמרך אהבה ותצרך׃

בהתהלכך תנחה אתך בשכבך תשמר עליך והקיצות היא תשיחך׃

לשמרך מאשת רע מחלקת לשון נכריה׃

תם וישר יצרוני כי קויתיך׃

במה יזכה נער את ארחו לשמר כדברך׃

בלבי צפנתי אמרתך למען לא אחטא לך׃

ומצא בה איש מסכן חכם ומלט הוא את העיר בחכמתו ואדם לא זכר את האיש המסכן ההוא׃

דברי חכמים בנחת נשמעים מזעקת מושל בכסילים׃

אם קהה הברזל והוא לא פנים קלקל וחילים יגבר ויתרון הכשיר חכמה׃

ועתה ראו והזהרו להתהלך לא ככסילים כי אם כחכמים׃