לב שמח ייטב פנים ובעצבת לב רוח נכאה׃

רוח איש יכלכל מחלהו ורוח נכאה מי ישאנה׃

והיא מרת נפש ותתפלל על יהוה ובכה תבכה׃

ותבא אל איש האלהים אל ההר ותחזק ברגליו ויגש גיחזי להדפה ויאמר איש האלהים הרפה לה כי נפשה מרה לה ויהוה העלים ממני ולא הגיד לי׃

לו שקול ישקל כעשי והיתי במאזנים ישאו יחד׃

כי חצי שדי עמדי אשר חמתם שתה רוחי בעותי אלוה יערכוני׃

גם אני לא אחשך פי אדברה בצר רוחי אשיחה במר נפשי׃

לא יתנני השב רוחי כי ישבעני ממררים׃

נקטה נפשי בחיי אעזבה עלי שיחי אדברה במר נפשי׃

ורוח נשאתני ותקחני ואלך מר בחמת רוחי ויד יהוה עלי חזקה׃

ויקח אתו את פטרוס ואת יעקב ואת יוחנן ויחל להשמים ולמוג׃

ויאמר אליהם נפשי מרה לי עד מות עמדו פה ושקדו׃

עתה נבהלה נפשי ומה אמר הושיעני אבי מן השעה הזאת אך על כן באתי אל השעה הזאת׃

ויאמרו איש אל אחיו אבל אשמים אנחנו על אחינו אשר ראינו צרת נפשו בהתחננו אלינו ולא שמענו על כן באה אלינו הצרה הזאת׃

סוד יהוה ליראיו ובריתו להודיעם׃

לא אעזבכם יתומים אבואה אליכם׃

ויען ישוע ויאמר אליו איש כי יאהבני ישמר את דברי ואבי יאהב אתו ונבואה אליו ונשים אצלו מעונתנו׃

ושלום אלהים הנשגב מכל שכל ינצר את לבבכם ואת מחשבותיכם במשיח ישוע׃

אשר אהבתם ולא ראיתם ואשר עתה תאמינו בו בלא ראות אתו ובכן תגילו בשמחה מפארה עצמה מספר׃

מי אשר אזן לו ישמע את אשר הרוח אמר לקהלות המנצח אאכילנו מן המן הגנוז ונתתי לו אבן לבנה ועל האבן מפתח שם חדש אשר לא ידענו איש זולתי המקבל׃