לא תשא שמע שוא אל תשת ידך עם רשע להית עד חמס׃

לא תגנבו ולא תכחשו ולא תשקרו איש בעמיתו׃

כי יקום עד חמס באיש לענות בו סרה׃

ודרשו השפטים היטב והנה עד שקר העד שקר ענה באחיו׃

והנשארים ישמעו ויראו ולא יספו לעשות עוד כדבר הרע הזה בקרבך׃

אם תשוב עד שדי תבנה תרחיק עולה מאהלך׃

בארח רשעים אל תבא ואל תאשר בדרך רעים׃

פרעהו אל תעבר בו שטה מעליו ועבור׃

הלך צדקות ודבר מישרים מאס בבצע מעשקות נער כפיו מתמך בשחד אטם אזנו משמע דמים ועצם עיניו מראות ברע׃

וישאלהו גם אנשי הצבא לאמר ואנחנו מה נעשה ויאמר אליהם איש אל תזעזעו ואל תלשינו איש ויהי די לכם בשכרכם׃

על כן הסירו מכם את השקר ודברו אמת איש את רעהו כי אברים כלנו יחד איש לאיש׃

התרחקו מכל הדומה לרע׃

ארור לקח שחד להכות נפש דם נקי ואמר כל העם אמן׃

נצר חסד לאלפים נשא עון ופשע וחטאה ונקה לא ינקה פקד עון אבות על בנים ועל בני בנים על שלשים ועל רבעים׃

מצדיק רשע ומרשיע צדיק תועבת יהוה גם שניהם׃

יהוה ארך אפים וגדול כח ונקה לא ינקה יהוה בסופה ובשערה דרכו וענן אבק רגליו׃

כי נגלה חרון אלהים מן השמים על כל רשעת בני אדם ועולתם אשר יעצרו את האמת בעולה׃

ובקשי לבבך הממאן לשוב תצבר לך עברה אל יום עברת האלהים ועת הגלות צדקת משפטו׃

אשר ישלם לאיש כמעשהו׃