קול רעמך בגלגל האירו ברקים תבל רגזה ותרעש הארץ׃

יהוה הט שמיך ותרד גע בהרים ויעשנו׃

ברוק ברק ותפיצם שלח חציך ותהמם׃

ויהי ביום השלישי בהית הבקר ויהי קלת וברקים וענן כבד על ההר וקל שפר חזק מאד ויחרד כל העם אשר במחנה׃

והר סיני עשן כלו מפני אשר ירד עליו יהוה באש ויעל עשנו כעשן הכבשן ויחרד כל ההר מאד׃

המביט לארץ ותרעד יגע בהרים ויעשנו׃

מלפני אדון חולי ארץ מלפני אלוה יעקב׃

המרגיז ארץ ממקומה ועמודיה יתפלצון׃

ויהוה אלהים אמת הוא אלהים חיים ומלך עולם מקצפו תרעש הארץ ולא יכלו גוים זעמו׃

וישוע הוסיף לקרא בקול גדול ותצא רוחו׃

והנה נקרעה פרכת ההיכל מלמעלה למטה לשנים קרעים והארץ נרעשה והסלעים נבקעו׃

והנה רעש גדול היה כי מלאך יהוה ירד מן השמים ויגש ויגל את האבן מן הפתח וישב עליה׃

ויהי מראהו כברק ולבושו לבן כשלג׃

ויפתח היכל יהוה בשמים וירא ארון בריתו בהיכל ויהי ברקים וקלות ורעמים ורעש וברד כבד׃

וארא את השמים נפתחים והנה סוס לבן והרכב עליו נקרא נאמן ואמתי ובצדק הוא שפט ולחם׃