הודו ליהוה בכנור בנבל עשור זמרו לו׃

עורה כבודי עורה הנבל וכנור אעירה שחר׃

קדמו שרים אחר נגנים בתוך עלמות תופפות׃

שאו זמרה ותנו תף כנור נעים עם נבל׃

תקעו בחדש שופר בכסה ליום חגנו׃

יהללו שמו במחול בתף וכנור יזמרו לו׃

הללוהו בתקע שופר הללוהו בנבל וכנור׃

הללוהו בצלצלי שמע הללוהו בצלצלי תרועה׃

ויאמר דויד לשרי הלוים להעמיד את אחיהם המשררים בכלי שיר נבלים וכנרות ומצלתים משמיעים להרים בקול לשמחה׃

כל אלה על ידי אביהם בשיר בית יהוה במצלתים נבלים וכנרות לעבדת בית האלהים על ידי המלך אסף וידותון והימן׃

והשלשית בבית המלך והשלשית בשער היסוד וכל העם בחצרות בית יהוה׃

ויעמד את הלוים בית יהוה במצלתים בנבלים ובכנרות במצות דויד וגד חזה המלך ונתן הנביא כי ביד יהוה המצוה ביד נביאיו׃

נודע יהוה משפט עשה בפעל כפיו נוקש רשע הגיון סלה׃