הטה אלי אזנך מהרה הצילני היה לי לצור מעוז לבית מצודות להושיעני׃

כי סלעי ומצודתי אתה ולמען שמך תנחני ותנהלני׃

ישב בסתר עליון בצל שדי יתלונן׃

אמר ליהוה מחסי ומצודתי אלהי אבטח בו׃

מגדל עז שם יהוה בו ירוץ צדיק ונשגב׃

הוא מרומים ישכן מצדות סלעים משגבו לחמו נתן מימיו נאמנים׃

אתה הוא מלכי אלהים צוה ישועות יעקב׃

צוה אלהיך עזך עוזה אלהים זו פעלת לנו׃

כי מלאכיו יצוה לך לשמרך בכל דרכיך׃

על כפים ישאונך פן תגף באבן רגלך׃

זקן בחור ובתולה וטף ונשים תהרגו למשחית ועל כל איש אשר עליו התו אל תגשו וממקדשי תחלו ויחלו באנשים הזקנים אשר לפני הבית׃

וארא מלאך אחר עלה ממרח שמש ובידו חתמת אלהים חיים ויקרא בקול גדול אל ארבעה המלאכים אשר נתן להם לחבל הארץ והים לאמר׃

אל תחבלו את הארץ ואת הים ואת העץ עד אם חתמנו את עבדי אלהינו על מצחותם׃

יהוה סלעי ומצודתי ומפלטי אלי צורי אחסה בו מגני וקרן ישעי משגבי׃

חסדי ומצודתי משגבי ומפלטי לי מגני ובו חסיתי הרודד עמי תחתי׃