יהוה מלך תגל הארץ ישמחו איים רבים׃

יודוך יהוה כל מלכי ארץ כי שמעו אמרי פיך׃

וישירו בדרכי יהוה כי גדול כבוד יהוה׃

הרנינו גוים עמו כי דם עבדיו יקום ונקם ישיב לצריו וכפר אדמתו עמו׃

המה ישאו קולם ירנו בגאון יהוה צהלו מים׃

מכנף הארץ זמרת שמענו צבי לצדיק ואמר רזי לי רזי לי אוי לי בגדים בגדו ובגד בוגדים בגדו׃

שירו ליהוה שיר חדש תהלתו מקצה הארץ יורדי הים ומלאו איים וישביהם׃

ישימו ליהוה כבוד ותהלתו באיים יגידו׃

רני עקרה לא ילדה פצחי רנה וצהלי לא חלה כי רבים בני שוממה מבני בעולה אמר יהוה׃

ואומר הרנינו גוים עמו׃

ואומר הללו את יהוה כל גוים שבחוהו כל האמים׃

כי כתוב רני עקרה לא ילדה פצחי רנה וצהלי לא חלה כי רבים בני שוממה מבני בעולה׃

והוא ישפט תבל בצדק ידין לאמים במישרים׃

אמרו בגוים יהוה מלך אף תכון תבל בל תמוט ידין עמים במישרים׃

יעלז שדי וכל אשר בו אז ירננו כל עצי יער׃

לפני יהוה כי בא לשפט הארץ ישפט תבל בצדק ועמים במישרים׃

חללה לך מעשת כדבר הזה להמית צדיק עם רשע והיה כצדיק כרשע חללה לך השפט כל הארץ לא יעשה משפט׃

יען אשר שת יום לשפט תבל בצדק על ידי איש אשר הפקידו ויתן עדות נאמנה לכלם בהקימו אתו מן המתים׃

ובקשי לבבך הממאן לשוב תצבר לך עברה אל יום עברת האלהים ועת הגלות צדקת משפטו׃

שאל ממני ואתנה גוים נחלתך ואחזתך אפסי ארץ׃

אני אמרתי אלהים אתם ובני עליון כלכם׃

הן עד לאומים נתתיו נגיד ומצוה לאמים׃

והמלאך השביעי תקע בשופר ויהי קלות גדולים בשמים ויאמרו הנה ממלכת העולם היתה לאדיניו ולמשיחו והוא ימלך לעולמי עולמים׃

ויאמרו מודים אנחנו לך יהוה אלהים צבאות ההוה והיה ויבוא כי לבשת עזך הגדול ותמלך׃