בקע ים ויעבירם ויצב מים כמו נד׃

ויושיעם למען שמו להודיע את גבורתו׃

ויושיעם מיד שונא ויגאלם מיד אויב׃

יסד ארץ על מכוניה בל תמוט עולם ועד׃

מן גערתך ינוסון מן קול רעמך יחפזון׃

לגזר ים סוף לגזרים כי לעולם חסדו׃

והעביר ישראל בתוכו כי לעולם חסדו׃

ויט משה את ידו על הים ויולך יהוה את הים ברוח קדים עזה כל הלילה וישם את הים לחרבה ויבקעו המים׃

ויבאו בני ישראל בתוך הים ביבשה והמים להם חמה מימינם ומשמאלם׃

מוליכם בתהמות כסוס במדבר לא יכשלו׃

כבהמה בבקעה תרד רוח יהוה תניחנו כן נהגת עמך לעשות לך שם תפארת׃

ויהי בנסע העם מאהליהם לעבר את הירדן והכהנים נשאי הארון הברית לפני העם׃

ויעמדו המים הירדים מלמעלה קמו נד אחד הרחק מאד באדם העיר אשר מצד צרתן והירדים על ים הערבה ים המלח תמו נכרתו והעם עברו נגד יריחו׃

ויכסו מים צריהם אחד מהם לא נותר׃

ויאמינו בדבריו ישירו תהלתו׃

אז ישיר משה ובני ישראל את השירה הזאת ליהוה ויאמרו לאמר אשירה ליהוה כי גאה גאה סוס ורכבו רמה בים׃

יהוה איש מלחמה יהוה שמו׃

תהמת יכסימו ירדו במצולת כמו אבן׃

וברב גאונך תהרס קמיך תשלח חרנך יאכלמו כקש׃

אמר אויב ארדף אשיג אחלק שלל תמלאמו נפשי אריק חרבי תורישמו ידי׃

מי כמכה באלם יהוה מי כמכה נאדר בקדש נורא תהלת עשה פלא׃

נחית בחסדך עם זו גאלת נהלת בעזך אל נוה קדשך׃

אז נבהלו אלופי אדום אילי מואב יאחזמו רעד נמגו כל ישבי כנען׃

תבאמו ותטעמו בהר נחלתך מכון לשבתך פעלת יהוה מקדש אדני כוננו ידיך׃

כי בא סוס פרעה ברכבו ובפרשיו בים וישב יהוה עלהם את מי הים ובני ישראל הלכו ביבשה בתוך הים׃

ותען להם מרים שירו ליהוה כי גאה גאה סוס ורכבו רמה בים׃

וארא כים זכוכית בלול באש ואת המתגברים על החיה ועל צלמה ועל תוה ועל מספר שמה עמדים על ים הזכוכית וכנרות אלהים בידיהם׃

וישירו את שירת משה עבד אלהים ושירת השה לאמר גדולים מעשיך ונפלאים יהוה אלהים צבאות צדק ואמת דרכיך מלך הגוים׃