מי לי בשמים ועמך לא חפצתי בארץ׃

פרשתי ידי אליך נפשי כארץ עיפה לך סלה׃

מהר ענני יהוה כלתה רוחי אל תסתר פניך ממני ונמשלתי עם ירדי בור׃

ויאמר שלחני כי עלה השחר ויאמר לא אשלחך כי אם ברכתני׃

ויאמר לא יעקב יאמר עוד שמך כי אם ישראל כי שרית עם אלהים ועם אנשים ותוכל׃

ובכל מעשה אשר החל בעבודת בית האלהים ובתורה ובמצוה לדרש לאלהיו בכל לבבו עשה והצליח׃

אקומה נא ואסובבה בעיר בשוקים וברחבות אבקשה את שאהבה נפשי בקשתיו ולא מצאתיו׃

נפשי אויתיך בלילה אף רוחי בקרבי אשחרך כי כאשר משפטיך לארץ צדק למדו ישבי תבל׃

ומימי יוחנן המטביל עד הנה מלכות השמים נתפשה בחזקה והמתחזקים יחטפוה׃

ויאמר אליהם התאמצו לבוא בפתח הצר כי אמר אני לכם רבים יבקשו לבוא ולא יוכלו׃

אעשה את דין האלמנה הזאת על הוגיעה אתי פן תבוא תמיד ותדכאני במלים׃

והאלהים הלא הוא יעשה דין בחיריו הקראים אליו יומם ולילה גם כי יתמהמה להושיעם׃

ותתן לי מגן ישעך וימינך תסעדני וענותך תרבני׃

כי יפל לא יוטל כי יהוה סומך ידו׃

ואני תמיד עמך אחזת ביד ימיני׃

אם אמרתי מטה רגלי חסדך יהוה יסעדני׃

שמאלו תחת לראשי וימינו תחבקני׃

אל תירא כי עמך אני אל תשתע כי אני אלהיך אמצתיך אף עזרתיך אף תמכתיך בימין צדקי׃

הן עבדי אתמך בו בחירי רצתה נפשי נתתי רוחי עליו משפט לגוים יוציא׃

לכן חביבי כאשר שמעתם לי בכל עת כן לא לבד בהיותי עמכם כי עוד יתר עתה אשר אני רחוק מכם תיגעו בתשועת נפשתיכם ביראה וברעדה׃

כי האלהים הוא הפעל בכם גם לחפץ גם לפעל כפי רצונו׃

ובזאת אף אני עמל ונלחם כפי פעלת כחו הפעל בי בגבורה׃