לא כן הרשעים כי אם כמץ אשר תדפנו רוח׃

כי יודע יהוה דרך צדיקים ודרך רשעים תאבד׃

ישובו רשעים לשאולה כל גוים שכחי אלהים׃

גם אל יתצך לנצח יחתך ויסחך מאהל ושרשך מארץ חיים סלה׃

ברעתו ידחה רשע וחסה במותו צדיק׃

הניחו אתם ויגדלו שניהם יחד עד הקציר והיה בעת הקציר אמר לקוצרים לקטו בראשונה את הזונין ואגדו אתם אגדות לשרפם ואת החטים אספו לאוצרי׃

כן יהיה בקץ העולם יצאו המלאכים והבדילו את הרשעים מתוך הצדיקים׃

והשליכום אל תנור האש שם תהיה היללה וחרק השנים׃

וילכו אלה למעצבת עולם והצדיקים לחיי עולם׃

באש להבה להשיב נקם לאשר לא ידעו את האלהים ולא שמעו לבשורת אדנינו ישוע המשיח׃

אשר ישאו משפט אבדן עולם מאת פני האדון ומהדר גאונו׃