כמים נשפכתי והתפרדו כל עצמותי היה לבי כדונג נמס בתוך מעי׃

כי החרשתי בלו עצמי בשאגתי כל היום׃

שמר כל עצמותיו אחת מהנה לא נשברה׃

אין מתם בבשרי מפני זעמך אין שלום בעצמי מפני חטאתי׃

תשמיעני ששון ושמחה תגלנה עצמות דכית׃

כי כלו בעשן ימי ועצמותי כמו קד נחרו׃

והוכח במכאוב על משכבו וריב עצמיו אתן׃

יכל בשרו מראי ושפי עצמותיו לא ראו׃

אם יש עליו מלאך מליץ אחד מני אלף להגיד לאדם ישרו׃

רטפש בשרו מנער ישוב לימי עלומיו׃

וצדקתך אלהים עד מרום אשר עשית גדלות אלהים מי כמוך׃

אין כמוך באלהים אדני ואין כמעשיך׃

כי מי בשחק יערך ליהוה ידמה ליהוה בבני אלים׃

יהוה אלהי צבאות מי כמוך חסין יה ואמונתך סביבותיך׃

מי כמכה באלם יהוה מי כמכה נאדר בקדש נורא תהלת עשה פלא׃

ואל מי תדמיון אל ומה דמות תערכו לו׃

ואל מי תדמיוני ואשוה יאמר קדוש׃

מי לא יראך מלך הגוים כי לך יאתה כי בכל חכמי הגוים ובכל מלכותם מאין כמוך׃

ראתה כי אתה עמל וכעס תביט לתת בידך עליך יעזב חלכה יתום אתה היית עוזר׃

כי לא בזה ולא שקץ ענות עני ולא הסתיר פניו ממנו ובשועו אליו שמע׃

זה עני קרא ויהוה שמע ומכל צרותיו הושיעו׃

כי שמע אל אביונים יהוה ואת אסיריו לא בזה׃

פנה אל תפלת הערער ולא בזה את תפלתם׃

כי השקיף ממרום קדשו יהוה משמים אל ארץ הביט׃

כי יעמד לימין אביון להושיע משפטי נפשו׃

ידעת כי יעשה יהוה דין עני משפט אבינים׃

וישע מחרב מפיהם ומיד חזק אביון׃

ותהי לדל תקוה ועלתה קפצה פיה׃

אל תגזל דל כי דל הוא ואל תדכא עני בשער׃

כי יהוה יריב ריבם וקבע את קבעיהם נפש׃

יצילני מאיבי עז ומשנאי כי אמצו ממני׃