בדבר יהוה שמים נעשו וברוח פיו כל צבאם׃

יהללו את שם יהוה כי הוא צוה ונבראו׃

ויעמידם לעד לעולם חק נתן ולא יעבור׃

ויאמר אלהים יהי אור ויהי אור׃

באמונה נבין כי העולמות נעשו בדבר האלהים למען אשר יצא הנראה מן הנעלם׃

עדתיך נאמנו מאד לביתך נאוה קדש יהוה לארך ימים׃

לדר ודר אמונתך כוננת ארץ ותעמד׃

למשפטיך עמדו היום כי הכל עבדיך׃

כי בו נברא כל אשר בשמים ואשר בארץ כל הנראה וכל אשר איננו נראה הן כסאות וממשלות הן שררות ורשיות הכל נברא על ידי ולמענהו׃

והוא לפני הכל והכל קים בו׃

והוא זהר כבודו וצלם ישותו ונושא כל בדבר גבורתו ואחרי עשתו בנפשו טהרת חטאתינו ישב לימין הגדלה במרומים׃

לך נאה אדנינו לקחת כבוד והדר ועז כי אתה בראת הכל והכל ברצונך היו ונבראו׃