אש לפניו תלך ותלהט סביב צריו׃

האירו ברקיו תבל ראתה ותחל הארץ׃

ונגה כאור תהיה קרנים מידו לו ושם חביון עזה׃

לפניו ילך דבר ויצא רשף לרגליו׃

וישתנה לעיניהם ויזהירו פניו כשמש ובגדיו כאור הלבינו׃

עודנו מדבר והנה ענן אור הצל עליהם והנה קול מתוך הענן אמר זה בני ידידי אשר רציתי בו אליו תשמעון׃

ויט משה את מטהו על השמים ויהוה נתן קלת וברד ותהלך אש ארצה וימטר יהוה ברד על ארץ מצרים׃

ויהי ברד ואש מתלקחת בתוך הברד כבד מאד אשר לא היה כמהו בכל ארץ מצרים מאז היתה לגוי׃

ויהי בנסם מפני ישראל הם במורד בית חורן ויהוה השליך עליהם אבנים גדלות מן השמים עד עזקה וימתו רבים אשר מתו באבני הברד מאשר הרגו בני ישראל בחרב׃

מנגה נגדו בערו גחלי אש׃

וישלח חצים ויפיצם ברק ויהמם׃

וברד כבד כככר ירד מן השמים על בני האדם ויגדפו בני האדם את האלהים על אדות מכת הברד כי כבדה מכתו מאד׃