זמרו אלהים זמרו זמרו למלכנו זמרו׃

כי מלך כל הארץ אלהים זמרו משכיל׃

ממלכות הארץ שירו לאלהים זמרו אדני סלה׃

מזמור שיר ליום השבת טוב להדות ליהוה ולזמר לשמך עליון׃

עלי עשור ועלי נבל עלי הגיון בכנור׃

לכו נרננה ליהוה נריעה לצור ישענו׃

נקדמה פניו בתודה בזמרות נריע לו׃

יודו ליהוה חסדו ונפלאותיו לבני אדם׃

ויזבחו זבחי תודה ויספרו מעשיו ברנה׃

ותקח מרים הנביאה אחות אהרן את התף בידה ותצאן כל הנשים אחריה בתפים ובמחלת׃

ותען להם מרים שירו ליהוה כי גאה גאה סוס ורכבו רמה בים׃

ויהי בקחתו את הספר ויפלו לפני השה ארבע החיות ועשרים וארבעה הזקנים ואיש איש כנור בידו וקערות זהב מלאת קטרת אשר הנה תפלות הקדושים׃

ותעש אתם מלכים וכהנים לאלהינו וימלכו על הארץ׃