רננו צדיקים ביהוה לישרים נאוה תהלה׃

הודו ליהוה בכנור בנבל עשור זמרו לו׃

שירו ליהוה שיר חדש שירו ליהוה כל הארץ׃

ספרו בגוים כבודו בכל העמים נפלאותיו׃

הללויה הודו ליהוה כי טוב כי לעולם חסדו׃

יודו ליהוה חסדו ונפלאותיו לבני אדם׃

יודו ליהוה חסדו ונפלאותיו לבני אדם׃

הללו יה אודה יהוה בכל לבב בסוד ישרים ועדה׃

הללו יה אשרי איש ירא את יהוה במצותיו חפץ מאד׃

הללו יה הללו עבדי יהוה הללו את שם יהוה׃

הללו את יהוה כל גוים שבחוהו כל האמים׃

כי גבר עלינו חסדו ואמת יהוה לעולם הללו יה׃

כל הנשמה תהלל יה הללו יה׃

אודה יהוה כצדקו ואזמרה שם יהוה עליון׃

לספר בציון שם יהוה ותהלתו בירושלם׃

יהי שם יהוה מברך מעתה ועד עולם׃

ממזרח שמש עד מבואו מהלל שם יהוה׃

יהללו את שם יהוה כי נשגב שמו לבדו הודו על ארץ ושמים׃

וירד יהוה בענן ויתיצב עמו שם ויקרא בשם יהוה׃

נצר חסד לאלפים נשא עון ופשע וחטאה ונקה לא ינקה פקד עון אבות על בנים ועל בני בנים על שלשים ועל רבעים׃

ויאמרו הלוים ישוע וקדמיאל בני חשבניה שרביה הודיה שבניה פתחיה קומו ברכו את יהוה אלהיכם מן העולם עד העולם ויברכו שם כבודך ומרומם על כל ברכה ותהלה׃

הללו יה הללו עבדי יהוה הללו את שם יהוה׃

שיר המעלות הנה ברכו את יהוה כל עבדי יהוה העמדים בבית יהוה בלילות׃

הללו יה שירו ליהוה שיר חדש תהלתו בקהל חסידים׃

יהללו שמו במחול בתף וכנור יזמרו לו׃