חקרני אל ודע לבבי בחנני ודע שרעפי׃

וראה אם דרך עצב בי ונחני בדרך עולם׃

בוטח בלבו הוא כסיל והולך בחכמה הוא ימלט׃

עקב הלב מכל ואנש הוא מי ידענו׃

אני יהוה חקר לב בחן כליות ולתת לאיש כדרכו כפרי מעלליו׃

כי אינני יודע בנפשי רע ובכל זאת לא אצדק כי הדן אתי הוא יהוה׃

כי אם לבבנו ירשיע אתנו האלהים נשגב הוא מלבבנו וידע את כל׃

ותבחר מחנק נפשי מות מעצמותי׃

מאסתי לא לעלם אחיה חדל ממני כי הבל ימי׃

ומה לא תשא פשעי ותעביר את עוני כי עתה לעפר אשכב ושחרתני ואינני׃