אור חשך באהלו ונרו עליו ידעך׃

תשכון באהלו מבלי לו יזרה על נוהו גפרית׃

אך אלה משכנות עול וזה מקום לא ידע אל׃

מדוע רשעים יחיו עתקו גם גברו חיל׃

בתיהם שלום מפחד ולא שבט אלוה עליהם׃

ויבא דוד ואנשיו אל העיר והנה שרופה באש ונשיהם ובניהם ובנתיהם נשבו׃

וברא יהוה על כל מכון הר ציון ועל מקראה ענן יומם ועשן ונגה אש להבה לילה כי על כל כבוד חפה׃

וסכה תהיה לצל יומם מחרב ולמחסה ולמסתור מזרם וממטר׃

נפשו בטוב תלין וזרעו יירש ארץ׃

ברוך אתה בבאך וברוך אתה בצאתך׃

לא תאנה אליך רעה ונגע לא יקרב באהלך׃

יהוה ישמרך מכל רע ישמר את נפשך׃

יהוה ישמר צאתך ובואך מעתה ועד עולם׃

תעו במדבר בישימון דרך עיר מושב לא מצאו׃

שפך בוז על נדיבים ויתעם בתהו לא דרך׃