מקים מעפר דל מאשפת ירים אביון להושיב עם נדיבים וכסא כבוד ינחלם כי ליהוה מצקי ארץ וישת עליהם תבל׃

רגלי חסידו ישמר ורשעים בחשך ידמו כי לא בכח יגבר איש׃

כי לא לנצח ישכח אביון תקות ענוים תאבד לעד׃

ומה יענה מלאכי גוי כי יהוה יסד ציון ובה יחסו עניי עמו׃

שובו לבצרון אסירי התקוה גם היום מגיד משנה אשיב לך׃

ולכל בני ישראל לא יחרץ כלב לשנו למאיש ועד בהמה למען תדעון אשר יפלה יהוה בין מצרים ובין ישראל׃

והמלך ישמח באלהים יתהלל כל הנשבע בו כי יסכר פי דוברי שקר׃

יראו ישרים וישמחו וכל עולה קפצה פיה׃

ואנחנו ידענו כי כל מה שאמרה התורה מדברת אל אלה אשר תחת התורה למען יסכר כל פה והיה כל העולם מחיב לפני אלהים׃