חננני יהוה ראה עניי משנאי מרוממי משערי מות׃

כל אכל תתעב נפשם ויגיעו עד שערי מות׃

אפפוני חבלי מות ומצרי שאול מצאוני צרה ויגון אמצא׃

יגאלהו חשך וצלמות תשכן עליו עננה יבעתהו כמרירי יום׃

מגלה עמקות מני חשך ויצא לאור צלמות׃

גם כי אלך בגיא צלמות לא אירא רע כי אתה עמדי שבטך ומשענתך המה ינחמני׃

ישבי חשך וצלמות אסירי עני וברזל׃

יוציאם מחשך וצלמות ומוסרותיהם ינתק׃

עשה כימה וכסיל והפך לבקר צלמות ויום לילה החשיך הקורא למי הים וישפכם על פני הארץ יהוה שמו׃

העם ההלכים בחשך ראו אור גדול וישבי בארץ צלמות אור נגה עליהם׃