אור חשך באהלו ונרו עליו ידעך׃

יהדפהו מאור אל חשך ומתבל ינדהו׃

ארחי גדר ולא אעבור ועל נתיבותי חשך ישים׃

דרך רשעים כאפלה לא ידעו במה יכשלו׃

ואל ארץ יביט והנה צרה וחשכה מעוף צוקה ואפלה מנדח׃

אותי נהג וילך חשך ולא אור׃

יום חשך ואפלה יום ענן וערפל כשחר פרש על ההרים עם רב ועצום כמהו לא נהיה מן העולם ואחריו לא יוסף עד שני דור ודור׃

לפניו אכלה אש ואחריו תלהט להבה כגן עדן הארץ לפניו ואחריו מדבר שממה וגם פליטה לא היתה לו׃

אבל בני המלכות המה יגרשו אל החשך החיצון שם תהיה היללה וחרוק השנים׃

תהום אל תהום קורא לקול צנוריך כל משבריך וגליך עלי עברו׃

למנצח על שושנים לדוד הושיעני אלהים כי באו מים עד נפש׃

טבעתי ביון מצולה ואין מעמד באתי במעמקי מים ושבלת שטפתני׃

אזי המים שטפונו נחלה עבר על נפשנו׃

צפו מים על ראשי אמרתי נגזרתי׃

ותשליכני מצולה בלבב ימים ונהר יסבבני כל משבריך וגליך עלי עברו׃