אם עלה קרבנו מן הבקר זכר תמים יקריבנו אל פתח אהל מועד יקריב אתו לרצנו לפני יהוה׃

ויברכהו ויאמר ברוך אברם לאל עליון קנה שמים וארץ׃

ועתה השב אשת האיש כי נביא הוא ויתפלל בעדך וחיה ואם אינך משיב דע כי מות תמות אתה וכל אשר לך׃

ויבא יוסף את יעקב אביו ויעמדהו לפני פרעה ויברך יעקב את פרעה׃

ויברך יעקב את פרעה ויצא מלפני פרעה׃

דבר אל אהרן ואל בניו לאמר כה תברכו את בני ישראל אמור להם׃

יאר יהוה פניו אליך ויחנך׃

ושמו את שמי על בני ישראל ואני אברכם׃

ויברכם יהושע וישלחם וילכו אל אהליהם׃

ויכל דוד מהעלות העולה והשלמים ויברך את העם בשם יהוה צבאות׃

ויעמד ויברך את כל קהל ישראל קול גדול לאמר׃

ברוך יהוה אשר נתן מנוחה לעמו ישראל ככל אשר דבר לא נפל דבר אחד מכל דברו הטוב אשר דבר ביד משה עבדו׃

וככלות להעלות כרעו המלך וכל הנמצאים אתו וישתחוו׃

כי מרבית העם רבת מאפרים ומנשה יששכר וזבלון לא הטהרו כי אכלו את הפסח בלא ככתוב כי התפלל יחזקיהו עליהם לאמר יהוה הטוב יכפר בעד׃

וישמע יהוה אל יחזקיהו וירפא את העם׃

ויוליכם מחוץ לעיר עד בית היני וישא את ידיו ויברכם׃

ויהי בברכו אתם ויפרד מאתם וינשא השמימה׃

והנה נכון הדבר כי הקטן יברך על ידי הגדול ממנו׃