ואלה העמדים ובניהם מבני הקהתי הימן המשורר בן יואל בן שמואל׃

ויבדל דויד ושרי הצבא לעבדה לבני אסף והימן וידותון הנביאים בכנרות בנבלים ובמצלתים ויהי מספרם אנשי מלאכה לעבדתם׃

לידותון בני ידותון גדליהו וצרי וישעיהו חשביהו ומתתיהו ששה על ידי אביהם ידותון בכנור הנבא על הדות והלל ליהוה׃

כל אלה בנים להימן חזה המלך בדברי האלהים להרים קרן ויתן האלהים להימן בנים ארבעה עשר ובנות שלוש׃

ויהי שם בנו הבכור יואל ושם משנהו אביה שפטים בבאר שבע׃

ואחיו אסף העמד על ימינו אסף בן ברכיהו בן שמעא׃

לבני אסף זכור ויוסף ונתניה ואשראלה בני אסף על יד אסף הנבא על ידי המלך׃

מזמור לאסף אך טוב לישראל אלהים לברי לבב׃

שיר מזמור לאסף אלהים אל דמי לך אל תחרש ואל תשקט אל׃

והמשררים הימן אסף ואיתן במצלתים נחשת להשמיע׃

ובני מררי אחיהם על השמאול איתן בן קישי בן עבדי בן מלוך׃