אז יקהל שלמה את זקני ישראל את כל ראשי המטות נשיאי האבות לבני ישראל אל המלך שלמה ירושלם להעלות את ארון ברית יהוה מעיר דוד היא ציון׃

ויהי כקרא מלך ישראל את הספר ויקרע בגדיו ויאמר האלהים אני להמית ולהחיות כי זה שלח אלי לאסף איש מצרעתו כי אך דעו נא וראו כי מתאנה הוא לי׃

ויועץ דויד עם שרי האלפים והמאות לכל נגיד׃

ויקהל דויד את כל שרי ישראל שרי השבטים ושרי המחלקות המשרתים את המלך ושרי האלפים ושרי המאות ושרי כל רכוש ומקנה למלך ולבניו עם הסריסים והגבורים ולכל גבור חיל אל ירושלם׃

באין תחבלות יפל עם ותשועה ברב יועץ׃

ויהי כקרא מלך ישראל את הספר ויקרע בגדיו ויאמר האלהים אני להמית ולהחיות כי זה שלח אלי לאסף איש מצרעתו כי אך דעו נא וראו כי מתאנה הוא לי׃

הרה עמל וילד און ובטנם תכין מרמה׃

הנה יחבל און והרה עמל וילד שקר׃

און יחשב על משכבו יתיצב על דרך לא טוב רע לא ימאס׃

עד אנה תהותתו על איש תרצחו כלכם כקיר נטוי גדר הדחויה׃

אשר חשבו רעות בלב כל יום יגורו מלחמות׃

תהפכות בלבו חרש רע בכל עת מדנים ישלח׃

שחר טוב יבקש רצון ודרש רעה תבואנו׃

כי שד יהגה לבם ועמל שפתיהם תדברנה׃

ושניהם המלכים לבבם למרע ועל שלחן אחד כזב ידברו ולא תצלח כי עוד קץ למועד׃

קבר פתוח גרונם לשונם יחליקון חמת עכשוב תחת שפתימו׃

רגליהם ימהרו לשפך דם׃

ודרך שלום לא ידעו׃