ויהי יהוה את יוסף ויהי איש מצליח ויהי בבית אדניו המצרי׃

ויהי בעת ההוא ויאמר אבימלך ופיכל שר צבאו אל אברהם לאמר אלהים עמך בכל אשר אתה עשה׃

וימררהו ורבו וישטמהו בעלי חצים׃

ותשב באיתן קשתו ויפזו זרעי ידיו מידי אביר יעקב משם רעה אבן ישראל׃

אל תירא כי עמך אני אל תשתע כי אני אלהיך אמצתיך אף עזרתיך אף תמכתיך בימין צדקי׃

כי תעבר במים אתך אני ובנהרות לא ישטפוך כי תלך במו אש לא תכוה ולהבה לא תבער בך׃

אלהי שלח מלאכה וסגר פם אריותא ולא חבלוני כל קבל די קדמוהי זכו השתכחת לי ואף קדמיך מלכא חבולה לא עבדת׃

ועתה מה נאמר על זאת אם האלהים לנו מי יריב אתנו׃

אשר על בנו יחידו לא חס כי אם נתנו בעד כלנו הלא גם יתן לנו עמו את הכל׃

אבל בכל אלה גברנו מאד על ידי האהב אתנו׃

ומי ירע לכם אם תקנאו לעשות הטוב׃

אבל אשריכם גם אם תענו למען הצדקה אך מוראם לא תיראו ולא תעריצו׃

כי טוב לכם אם חפץ אלהים הוא אשר תענו בעשותכם הטוב משתענו בעשותכם רע׃

אם יחרפו אתכם למען שם המשיח אשריכם כי נחה עליכם רוח הכבוד רוח אלהים אצלם מנאץ הוא ואצלכם נכבד׃

ואם יענה כאחד המשיחיים אל יבוש כי אם יודה לאלהים על הדבר הזה׃

ויתן אתם במשמר בית שר הטבחים אל בית הסהר מקום אשר יוסף אסור שם׃

ונתתי את חן העם הזה בעיני מצרים והיה כי תלכון לא תלכו ריקם׃

ויתן יהוה את חן העם בעיני מצרים גם האיש משה גדול מאד בארץ מצרים בעיני עבדי פרעה ובעיני העם׃

ויהוה נתן את חן העם בעיני מצרים וישאלום וינצלו את מצרים׃

עד עת בא דברו אמרת יהוה צרפתהו׃

לאסר שריו בנפשו וזקניו יחכם׃

ויתן אותם לרחמים לפני כל שוביהם׃

ברצות יהוה דרכי איש גם אויביו ישלם אתו׃

ויתן האלהים את דניאל לחסד ולרחמים לפני שר הסריסים׃

ויקנאו האבות ביוסף וימכרו אותו מצרימה ואלהים היה עמו׃

ויצילהו מכל צרותיו ויתן לו חן וחכמה לפני פרעה מלך מצרים וישימהו שליט על מצרים ועל כל ביתו׃