ואתה תצוה את בני ישראל ויקחו אליך שמן זית זך כתית למאור להעלת נר תמיד׃

באהל מועד מחוץ לפרכת אשר על העדת יערך אתו אהרן ובניו מערב עד בקר לפני יהוה חקת עולם לדרתם מאת בני ישראל׃

והקטיר עליו אהרן קטרת סמים בבקר בבקר בהיטיבו את הנרת יקטירנה׃

ובהעלת אהרן את הנרת בין הערבים יקטירנה קטרת תמיד לפני יהוה לדרתיכם׃

צו את בני ישראל ויקחו אליך שמן זית זך כתית למאור להעלת נר תמיד׃

על המנרה הטהרה יערך את הנרות לפני יהוה תמיד׃

ומקטרים ליהוה עלות בבקר בבקר ובערב בערב וקטרת סמים ומערכת לחם על השלחן הטהור ומנורת הזהב ונרתיה לבער בערב בערב כי שמרים אנחנו את משמרת יהוה אלהינו ואתם עזבתם אתו׃

וכעסתה צרתה גם כעס בעבור הרעמה כי סגר יהוה בעד רחמה׃

ואני ברב חסדך אבוא ביתך אשתחוה אל היכל קדשך ביראתך׃

אחת שאלתי מאת יהוה אותה אבקש שבתי בבית יהוה כל ימי חיי לחזות בנעם יהוה ולבקר בהיכלו׃

קול יהוה יחולל אילות ויחשף יערות ובהיכלו כלו אמר כבוד׃