61
ותקם רבקה ונערתיה ותרכבנה על הגמלים ותלכנה אחרי האיש ויקח העבד את רבקה וילך׃
62
ויצחק בא מבוא באר לחי ראי והוא יושב בארץ הנגב׃
63
ויצא יצחק לשוח בשדה לפנות ערב וישא עיניו וירא והנה גמלים באים׃
64
ותשא רבקה את עיניה ותרא את יצחק ותפל מעל הגמל׃
65
ותאמר אל העבד מי האיש הלזה ההלך בשדה לקראתנו ויאמר העבד הוא אדני ותקח הצעיף ותתכס׃
66
ויספר העבד ליצחק את כל הדברים אשר עשה׃
67
ויבאה יצחק האהלה שרה אמו ויקח את רבקה ותהי לו לאשה ויאהבה וינחם יצחק אחרי אמו׃
