1 Samuel 23:4
ויוסף עוד דוד לשאל ביהוה ויענהו יהוה ויאמר קום רד קעילה כי אני נתן את פלשתים בידך׃
1 Samuel 23:6
ויהי בברח אביתר בן אחימלך אל דוד קעילה אפוד ירד בידו׃
1 Samuel 23:9-12
9
וידע דוד כי עליו שאול מחריש הרעה ויאמר אל אביתר הכהן הגישה האפוד׃
10
ויאמר דוד יהוה אלהי ישראל שמע שמע עבדך כי מבקש שאול לבוא אל קעילה לשחת לעיר בעבורי׃
11
היסגרני בעלי קעילה בידו הירד שאול כאשר שמע עבדך יהוה אלהי ישראל הגד נא לעבדך ויאמר יהוה ירד׃
12
ויאמר דוד היסגרו בעלי קעילה אתי ואת אנשי ביד שאול ויאמר יהוה יסגירו׃
1 Samuel 30:8
וישאל דוד ביהוה לאמר ארדף אחרי הגדוד הזה האשגנו ויאמר לו רדף כי השג תשיג והצל תציל׃
Nombres 27:21
ולפני אלעזר הכהן יעמד ושאל לו במשפט האורים לפני יהוה על פיו יצאו ועל פיו יבאו הוא וכל בני ישראל אתו וכל העדה׃
Josué 9:14
ויקחו האנשים מצידם ואת פי יהוה לא שאלו׃
Juges 1:1
ויהי אחרי מות יהושע וישאלו בני ישראל ביהוה לאמר מי יעלה לנו אל הכנעני בתחלה להלחם בו׃
2 Samuel 5:19
וישאל דוד ביהוה לאמר האעלה אל פלשתים התתנם בידי ויאמר יהוה אל דוד עלה כי נתן אתן את הפלשתים בידך׃
2 Samuel 5:23
וישאל דוד ביהוה ויאמר לא תעלה הסב אל אחריהם ובאת להם ממול בכאים׃
1 Chroniques 14:10
וישאל דויד באלהים לאמר האעלה על פלשתיים ונתתם בידי ויאמר לו יהוה עלה ונתתים בידך׃
Psaumes 32:8
אשכילך ואורך בדרך זו תלך איעצה עליך עיני׃
Proverbes 3:5
בטח אל יהוה בכל לבך ואל בינתך אל תשען׃
Proverbes 3:6
בכל דרכיך דעהו והוא יישר ארחתיך׃
Jérémie 10:23
ידעתי יהוה כי לא לאדם דרכו לא לאיש הלך והכין את צעדו׃