חרבם תבוא בלבם וקשתותם תשברנה׃

כי זרועות רשעים תשברנה וסומך צדיקים יהוה׃

משבית מלחמות עד קצה הארץ קשת ישבר וקצץ חנית עגלות ישרף באש׃

שמה שבר רשפי קשת מגן וחרב ומלחמה סלה׃

בלתי כרע תחת אסיר ותחת הרוגים יפלו בכל זאת לא שב אפו ועוד ידו נטויה׃

כי אם הכיתם כל חיל כשדים הנלחמים אתכם ונשארו בם אנשים מדקרים איש באהלו יקומו ושרפו את העיר הזאת באש׃

נרדפים ולא נטושים משלכים ולא אבדים׃

ונשאים בכל עת מיתת האדון ישוע בגויתנו למען יגלו גם חיי ישוע בגויתנו׃

ויאמר אלי די לך חסדי כי בחלשה תשלם גבורתי על כן שמח לבי להתהלל בחלשותי למען תשרה עלי גבורת המשיח׃

עמדו נא חגורי מתנים באמת ומלבשים בשריון הצדק׃

כל זאת אוכל בעזרת המשיח הנותן כח בקרבי׃

וכבו גבורת האש ונמלטו מפי החרב והתחזקו מחלים ועשו חיל במלחמה והפילו מחנות זרים׃