Exode 15:11
מי כמכה באלם יהוה מי כמכה נאדר בקדש נורא תהלת עשה פלא׃
Deutéronome 32:4
הצור תמים פעלו כי כל דרכיו משפט אל אמונה ואין עול צדיק וישר הוא׃
Psaumes 99:5
רוממו יהוה אלהינו והשתחוו להדם רגליו קדוש הוא׃
Psaumes 99:9
רוממו יהוה אלהינו והשתחוו להר קדשו כי קדוש יהוה אלהינו׃
Psaumes 111:9
פדות שלח לעמו צוה לעולם בריתו קדוש ונורא שמו׃
Esaïe 6:3
וקרא זה אל זה ואמר קדוש קדוש קדוש יהוה צבאות מלא כל הארץ כבודו׃
Esaïe 57:15
כי כה אמר רם ונשא שכן עד וקדוש שמו מרום וקדוש אשכון ואת דכא ושפל רוח להחיות רוח שפלים ולהחיות לב נדכאים׃
1 Pierre 1:16
כי על כן כתוב והייתם קדשים כי קדוש אני׃
Romains 4:8
אשרי אדם לא יחשב יהוה לו עון׃
Romains 15:4
כי כל אשר נכתב מלפנים ללמדנו נכתב למען תהיה לנו תקוה בסבלנות ובתנחומות הכתובים׃
Deutéronome 4:35
אתה הראת לדעת כי יהוה הוא האלהים אין עוד מלבדו׃
2 Samuel 22:32
כי מי אל מבלעדי יהוה ומי צור מבלעדי אלהינו׃
Psaumes 73:25
מי לי בשמים ועמך לא חפצתי בארץ׃
Esaïe 43:10
אתם עדי נאם יהוה ועבדי אשר בחרתי למען תדעו ותאמינו לי ותבינו כי אני הוא לפני לא נוצר אל ואחרי לא יהיה׃
Esaïe 43:11
אנכי אנכי יהוה ואין מבלעדי מושיע׃
Esaïe 44:6
כה אמר יהוה מלך ישראל וגאלו יהוה צבאות אני ראשון ואני אחרון ומבלעדי אין אלהים׃
Esaïe 44:8
אל תפחדו ואל תרהו הלא מאז השמעתיך והגדתי ואתם עדי היש אלוה מבלעדי ואין צור בל ידעתי׃
Deutéronome 3:24
אדני יהוה אתה החלות להראות את עבדך את גדלך ואת ידך החזקה אשר מי אל בשמים ובארץ אשר יעשה כמעשיך וכגבורתך׃
Deutéronome 32:20
ויאמר אסתירה פני מהם אראה מה אחריתם כי דור תהפכת המה בנים לא אמן בם׃
Deutéronome 32:31
כי לא כצורנו צורם ואיבינו פלילים׃
Deutéronome 32:39
ראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מציל׃
Psaumes 18:2
יהוה סלעי ומצודתי ומפלטי אלי צורי אחסה בו מגני וקרן ישעי משגבי׃
Psaumes 71:3
היה לי לצור מעון לבוא תמיד צוית להושיעני כי סלעי ומצודתי אתה׃
Psaumes 71:19
וצדקתך אלהים עד מרום אשר עשית גדלות אלהים מי כמוך׃
Psaumes 86:8
אין כמוך באלהים אדני ואין כמעשיך׃
Psaumes 89:6
כי מי בשחק יערך ליהוה ידמה ליהוה בבני אלים׃
Psaumes 89:8
יהוה אלהי צבאות מי כמוך חסין יה ואמונתך סביבותיך׃
Esaïe 40:18
ואל מי תדמיון אל ומה דמות תערכו לו׃
Jérémie 10:6
מאין כמוך יהוה גדול אתה וגדול שמך בגבורה׃