כי חי יהוה המושיע את ישראל כי אם ישנו ביונתן בני כי מות ימות ואין ענהו מכל העם׃

וישבע לה שאול ביהוה לאמר חי יהוה אם יקרך עון בדבר הזה׃

נבזה בעיניו נמאס ואת יראי יהוה יכבד נשבע להרע ולא ימר׃

בשפתו ינכר שונא ובקרבו ישית מרמה׃

כי יחנן קולו אל תאמן בו כי שבע תועבות בלבו׃

ואם חי יהוה יאמרו לכן לשקר ישבעו׃

ויבקש שאול להכות בחנית בדוד ובקיר ויפטר מפני שאול ויך את החנית בקיר ודוד נס וימלט בלילה הוא׃

וישלח שאול מלאכים אל בית דוד לשמרו ולהמיתו בבקר ותגד לדוד מיכל אשתו לאמר אם אינך ממלט את נפשך הלילה מחר אתה מומת׃