כי לא בקשתי אבטח וחרבי לא תושיעני׃

האל מעוזי חיל ויתר תמים דרכו׃

מלמד ידי למלחמה ונחת קשת נחושה זרעתי׃

עמו זרוע בשר ועמנו יהוה אלהינו לעזרנו ולהלחם מלחמתנו ויסמכו העם על דברי יחזקיהו מלך יהודה׃

ליהוה הישועה על עמך ברכתך סלה׃

יהוה סלעי ומצודתי ומפלטי אלי צורי אחסה בו מגני וקרן ישעי משגבי׃

נרננה בישועתך ובשם אלהינו נדגל ימלא יהוה כל משאלותיך׃

אלה ברכב ואלה בסוסים ואנחנו בשם יהוה אלהינו נזכיר׃

כל גוים סבבוני בשם יהוה כי אמילם׃

סבוני גם סבבוני בשם יהוה כי אמילם׃

עזרנו בשם יהוה עשה שמים וארץ׃

שיר המעלות הבטחים ביהוה כהר ציון לא ימוט לעולם ישב׃

מגדל עז שם יהוה בו ירוץ צדיק ונשגב׃

יען אשר לא נוכל אנחנו לדין דין מעצמנו כי יכלתנו מאת האלהים היא׃

כי כלי מלחמתנו אינם של הבשר כי אם חזקים הם לאלהים להרס מבצרים׃

כל זאת אוכל בעזרת המשיח הנותן כח בקרבי׃

אשר באמונה כבשו ממלכות ופעלו צדק והשגו הבטחות וסכרו פי אריות׃

וכבו גבורת האש ונמלטו מפי החרב והתחזקו מחלים ועשו חיל במלחמה והפילו מחנות זרים׃

ויאמר הפלשתי אני חרפתי את מערכות ישראל היום הזה תנו לי איש ונלחמה יחד׃

ויאמר דוד אל האנשים העמדים עמו לאמר מה יעשה לאיש אשר יכה את הפלשתי הלז והסיר חרפה מעל ישראל כי מי הפלשתי הערל הזה כי חרף מערכות אלהים חיים׃

גם את הארי גם הדוב הכה עבדך והיה הפלשתי הערל הזה כאחד מהם כי חרף מערכת אלהים חיים׃

את מי חרפת וגדפת ועל מי הרימותה קול ותשא מרום עיניך אל קדוש ישראל׃

ושבתך וצאתך ובואך ידעתי ואת התרגזך אלי׃