מענה רך ישיב חמה ודבר עצב יעלה אף׃

בארך אפים יפתה קצין ולשון רכה תשבר גרם׃

אלה אזכרה ואשפכה עלי נפשי כי אעבר בסך אדדם עד בית אלהים בקול רנה ותודה המון חוגג׃

בטחו בו בכל עת עם שפכו לפניו לבבכם אלהים מחסה לנו סלה׃

אשפך לפניו שיחי צרתי לפניו אגיד׃

בהתעטף עלי רוחי ואתה ידעת נתיבתי בארח זו אהלך טמנו פח לי׃

פרשתי ידי אליך נפשי כארץ עיפה לך סלה׃

קומי רני בליל לראש אשמרות שפכי כמים לבך נכח פני אדני שאי אליו כפיך על נפש עולליך העטופים ברעב בראש כל חוצות׃